హాలీవుడ్ లెజెండరీ డైరెక్టర్ క్రిస్టఫర్ నోలన్ తీస్తున్న కొత్త సినిమా “The Odyssey” కోసం హైప్ మొదలైంది. ఇప్పుడే టీజర్ రిలీజ్ అయింది, కానీ అసలైన షాకింగ్ న్యూస్ ఏమిటంటే – ఈ సినిమాకి టిక్కెట్లు జూలై 17, 2025 నుంచే అమ్మకానికి వస్తున్నాయ్! అంటే రిలీజ్‌కు మిగిలి ఉండగా ఒక సంవత్సరం ముందే.
ఈ డేట్ హాలీవుడ్ చరిత్రలో స్పెషల్ – ఒక సినిమా టిక్కెట్లను అంత ముందుగానే అమ్మడం ఇదే మొదటిసారి. కానీ నోలన్‌కి ఉన్న డైహార్డ్ ఫ్యాన్స్‌ను చూసిన తర్వాత ఇది ఆశ్చర్యం కాదేమో!
IMAX 70mm ఫార్మాట్ కోసం స్పెషల్ టిక్కెట్లు:
ఈ సినిమా పూర్తిగా IMAX 70mm కెమెరాలతో తీసారు. అందుకే టిక్కెట్లు కూడా కేవలం IMAX 70mm స్క్రీన్ల కోసం మాత్రమే ఉంటాయి.
US లోని AMC లింకన్ స్క్వేర్ (న్యూయార్క్) మరియు UK లోని BFI IMAX (లండన్) థియేటర్లలో మొదటగా అమ్మకాలు మొదలవుతాయి. మాంచెస్టర్ ప్రింట్‌వర్క్స్ కూడా ఈ సినిమా కోసం సిద్ధంగా ఉంది కానీ ఇప్పటికీ టిక్కెట్లు అందుబాటులోకి రాలేదు.
ప్రపంచంలో కేవలం 30 IMAX ఫిల్మ్ ప్రొజెక్టర్ థియేటర్లు మాత్రమే ఉన్నాయి.
Oppenheimer సమయంలో IMAX 70mm కోసం చాలా మంది ఫ్యాన్స్ ప్రత్యేకంగా విమానాల్లో ప్రయాణించి సినిమా చూశారు. ఇప్పుడు ‘The Odyssey’ ఇంకా భారీగా ఉండబోతోంది కాబట్టి టిక్కెట్లకు ఎప్పుడైనా హౌస్‌ఫుల్ బోర్డులు వేయొచ్చు!
కథ విషయానికి వస్తే:
ఈ సినిమా గ్రీకు కవి హోమర్ రాసిన పురాతన ఇతిహాస కథ ఆధారంగా తీసారు. హీరో ఒడిసియస్ పాత్రలో Matt Damon నటించగా, అతని కొడుకు టెలెమెకస్ పాత్రలో Tom Holland కనిపించనున్నాడు.
Jon Bernthal, Zendaya, Anne Hathaway, Lupita Nyong’o, Robert Pattinson, Charlize Theron వంటి భారీ తారాగణం కూడా ఇందులో ఉన్నారు.
చివరగా:
నోలన్ సినిమా అంటే అద్భుతమైన కథనం, విజువల్స్, టెక్నికల్ పరంగా ఓ గొప్ప అనుభవం. “The Odyssey” అందులో మరొక మెరుగైన అడుగు వేసే ఛాన్స్ ఉంది. IMAX స్క్రీన్‌లో చూసేందుకు ఇప్పటినుంచే సిద్ధమవ్వండి!
